వందనము రఘునందన..

రచన:శ్రీ త్యాగరాజు.
రాగం:సహానా.
తాళం:ఆది.

పల్లవి:
వందనము రఘు నందన సేతు
బంధన భక్త చందన రామ     ||వందనము||

చరణాలు:
1. శ్రీ-దమా నాతో వాదమా నే
భేదమా ఇది మోదమా రామ   ||వందనము||
2. శ్రీ రమా హృచ్చారమా బ్రోవ
భారమా రాయ-భారమా రామ   ||వందనము||
3. వింటిని నమ్ముకొంటిని
శరణంటిని రమ్మంటిని రామ    ||వందనము||
4. ఓడను భక్తి వీడను ఒరుల
వేడను నీ-వాడను రామ       ||వందనము||
5. కమ్మని విడెమిమ్మని వరము
కొమ్మని పలుకు రమ్మని రామ   ||వందనము||
6. న్యాయమా నీకాదాయమా ఇంక
హేయమా ముని గేయమా రామ ||వందనము||
7. చూడుమీ కాపాడుమీ మమ్ము
పోడిమిగా కూడుమీ రామ        ||వందనము||
8. క్షేమము దివ్య ధామము నిత్య
నేమము రామ నామము రామ    ||వందనము||
9. వేగ రా కరుణా సాగరా శ్రీ
త్యాగరాజ హృదయాగారా రామ   ||వందనము||