చల్లరే శ్రీ రామచంద్రునిపైన....

రాగం: ఆహిరి
తాళం : ఆది
రచన: శ్రీ త్యాగరాజస్వామి

పల్లవి:
చల్లరే శ్రీ రామచంద్రునిపైన పూల  ||చల్లరే||

చరణాలు:
సొంపైన మనసుతో ఇంపైన బంగారు
గంపలతో మంచి చంపకములను ||1||

పామరములు మాని నేమముతో
రామామనోహరునిపైన తామరపూల ||2||

ఈ జగతిని దేవ పూజార్హమౌ పూల
రాజిల్లుమేలైన జాజిసుమముల దెచ్చి ||3||

అమితపరాక్రమ ద్యుమణికులార్ణవ
విమలచంద్రునిపై హృత్కుముదసుమముల ||4||

ఎన్నరాని జనన మరణములు లేకుండ
మనసార త్యాగరాజనుతునిపై ||5||