శ్రీ దత్తాత్రేయ వైభవం - 6:

అది గమనించిన శ్రీపాదుల వారు త్రిశూల ధారియై ఆ బందిపోట్లందరినీ తన త్రిశూలంతో సంహరించాడు. కానీ అందులో ఒక దొంగ శరణువేడడంతో వాడిని రక్షించి, వల్లభేషుడి తలను తిరిగి మొండానికి అతికించి ఆయనకు తిరిగి #ప్రాణం పోశారు శ్రీపాద వల్లభులు. తరువాత వల్లభేషుడు శ్రీపాదుల వారిని భక్తితో పూజించి, తిరిగి కురవాపురం చేరుకొని తన మొక్కును చెల్లించుకున్నాడు.

ఇలా శ్రీపాద వల్లభుల వారి లీలా విశేషాలు ఎన్నో మనకు కనిపిస్తాయి. శ్రీపాద శ్రీవల్లభ మహా సంస్థానం, పిఠాపురం వారిచే ప్రచురించబడ్డ స్వామివారి జీవిత చరిత్ర అయిన " శ్రీపాద శ్రీవల్లభ చరితామృతం " అనే నిత్యపారాయణ గ్రంథంలో మనం ఎన్నో #లీలా విశేషాలు చూడవచ్చు. శ్రీపాద వల్లభుల వారిని కీర్తిస్తూ రాయబడిన సుప్రసిద్ధ " శ్రీ సిద్ధ మంగళ స్తోత్రం " ను చూద్దాం.....

శ్రీ మదనంత శ్రీవిభూషిత అప్పల లక్ష్మీ నరసింహరాజా
జయవిజయీభవ దిగ్విజయీభవ శ్రీమదఖండ శ్రీవిజయీభవ - 1

శ్రీవిద్యాధరి రాధ సురేఖా శ్రీరాఖీధర శ్రీపాదా
జయవిజయీభవ దిగ్విజయీభవ శ్రీమదఖండ శ్రీవిజయీభవ - 2

మాతాసుమతీ వాత్సల్యామృత పరిపోషిత జయశ్రీ పాదా
జయవిజయీభవ దిగ్విజయీభవ శ్రీమదఖండ శ్రీవిజయీభవ - 3

సత్య ఋషీశ్వర దుహితానందన బాపనార్యనుత శ్రీచరణా
జయవిజయీభవ దిగ్విజయీభవ శ్రీమదఖండ శ్రీవిజయీభవ - 4

సవితృకాఠకచయన పుణ్యఫల భరద్వాజ ఋషి గోత్ర సంభవా
జయవిజయీభవ దిగ్విజయీభవ శ్రీమదఖండ శ్రీవిజయీభవ - 5

దో చౌపాతీ దేవ్లక్ష్మీ ఘన సంఖ్యాబోధిత శ్రీచరణా
జయవిజయీభవ దిగ్విజయీభవ శ్రీమదఖండ శ్రీవిజయీభవ - 6

పుణ్యరూపిణీ రాజమాంబ సుతగర్భ పుణ్యఫల సంజాతా
జయవిజయీభవ దిగ్విజయీభవ శ్రీమదఖండ శ్రీవిజయీభవ - 7

సుమతీ నందన నరహరినందన దత్తదేవ ప్రభు శ్రీపాదా
జయవిజయీభవ దిగ్విజయీభవ శ్రీమదఖండ శ్రీవిజయీభవ - 8

పీఠికాపుర నిత్యవిహారా మధుమతి దత్తా మంగళరూపా
జయవిజయీభవ దిగ్విజయీభవ శ్రీమదఖండ శ్రీవిజయీభవ - 9

ఈ స్తోత్రాన్ని ప్రతీరోజు పఠించి స్వామి కృపకు పాత్రులమవుదాం...... ( ఇంకా వుంది)