దక్ష యాగము - 7

(ఈశ్వర దక్షుల విరోధం)

4-44-వ.

ఇతనికి నస్మత్తనూజను విధిప్రేరితుండనై యిచ్చితి.”

4-45-క.

అని యిట్టులు ప్రతికూల వ

చనములు దక్షుండు పలికి శపియింతును శ

ర్వుని నని జలములు గొని కర

మున నిలిపి యిటులనె రోషమున ననఘాత్మా!

4-46-క.

"ఇతఁ డింద్రోపేంద్ర పరీ

వృతుఁడై మఖసమయమున హవిర్భాగము దే

వతలం గూడఁగ మహిత ని

యతిఁ బొందక యుండుఁగాక యని శపియించెన్."

భావము:

"ఇతనికి బ్రహ్మ మాట విని నా పుత్రికను ఇచ్చాను" అని ఈ విధంగా దక్షుడు నిందించి “శంకరుని శపిస్తాను” అంటూ శాపజలాలను చేతిలో తీసికొని రోషంతో ఇలా అన్నాడు.

“ఈ శివుడు ఇంద్రుడు, విష్ణువు మొదలైన దేవతలతోపాటు యజ్ఞంలో హవిర్భాగం పొందకుండు గాక!” అని శపించాడు.

http://telugubhagavatam.org/?tebha&Skanda=4&Ghatta=5&padyam=46

: :  భాగవతం చదువుకుందాం : : 

: : తెలుగులో మాట్లాడుకుందాం : :