శ్రీ శివ సహస్రనామ స్తోత్రము:

~~~ ప్రార్థన ~~~

శుక్లాంబరధరం విష్ణుం శశివర్ణం చతుర్భుజమ్
ప్రసన్నవదనం ధ్యాయేత్ సర్వ విఘ్నోప శాంతయే - 1

గురుర్ బ్రహ్మా గురుర్ విష్ణుః గురుర్ దేవో మహేశ్వరః
గురుర్ సాక్షాత్ పరబ్రహ్మ తస్మై శ్రీ గరవే నమః  - 2

యాకుందేందు తుషారహారధవళా యాశుభ్ర వస్త్రావృతా
యా వీణావరదండమండితకరా  యా శ్వేత పద్మాసనా - 3

యా బ్రహ్మాచ్యుత శంకర ప్రభృతిభిర్దేవైః సదా పూజితా
సామాంపాతు సరస్వతీ భగవతీ నిశ్శేషజాడ్యాపహా - 4

వందే శంభుముమాపతిం సురగురుం వందే జగత్కారణం
వందే పన్నగభూషణం మృగధరం వందే పశూనాం పతిం  - 5

వందే సూర్యశశాంకవహ్నినయనం వందే ముకుందప్రియం
వందే భక్తజనాశ్రయంచ వరదం వందే శివం శంకరమ్  - 6

ఓం నమః ప్రణవార్థాయ శుద్ధజ్ఞానైకమూర్తయే
నిర్మలాయ ప్రశాంతాయ దక్షిణామూర్తయే నమః  - 7

~~~ శివ సహస్రనామ ప్రారంభ ~~~

ఓం స్థిరః స్థాణుః ప్రభుర్భీమః ప్రవరో వరదో వరః

సర్వాత్మా సర్వవిఖ్యాత స్సర్వ స్సర్వకరో భవః
జటీ చర్మీ శిఖండీ చ సర్వాంగ స్సర్వభవనః - 1

హరశ్చ హరిణాక్షశ్చ సర్వభూతహరః ప్రభుః
ప్రవృత్తిశ్చ నివృత్తిశ్చ నియతశ్శాశ్వతో ధ్రువః - 2

శ్మశానవాసీ భగవాన్ ఖచరో గోచరోర్దనః
అభివాద్యో మహాకర్మా తపస్వీ భూతభావనః - 3

ఉన్మత్తవేషః ప్రచ్ఛన్నః సర్వలోకప్రజాపతిః
మహారూపో మహాకాయో వృషరూపో మహాయశాః - 4

మహాత్మా సర్వభూతాత్మా విశ్వరూపో మహాహనుః
లోకపాలోంతర్హితాత్మా ప్రసాదో నీలలోహితః - 5

పవిత్రంచ మహాంశ్చైవ నియమో నియమాశ్రితః
సర్వకర్మా స్వయంభూత ఆదిరాదికరో నిధిః - 6

సహస్రక్షో విశాలాక్ష స్సోమో నక్షత్రసాధకః
చంద్రస్సూర్యశ్శనిః కేతుర్గ్రహో గ్రహపతిర్వరః - 7

ఆద్యంతలయకర్తాచ మృగబాణార్పణోనఘః
మహాతపా ఘోరతపా అదీనో దీనసాధకః - 8

సంవత్సరకరో మంత్రః ప్రమాణం పరమం తపః
యోగీ యోజ్యో మహాబీజో మహారేతా మహాబలః - 9

సువర్ణరేతా సర్వజ్ఞ స్సుబీజో బీజవాహనః
దశబాహుస్త్వనిమిషో నీలకంఠ ఉమాపతిః - 10

విశ్వరూపః స్వయం శ్రేష్ఠో బలవీరో బలో గణః
గణకర్తా గణపతిర్దిగ్వాసాః కామ ఏవచ  - 11

మంత్రవిత్పరమో మంత్రః సర్వభావకరో హరః
కమండలుధరో ధన్వీ బాణహస్తః కపాలవాన్ - 12

అశనిః శతఘ్నీ ఖడ్గీ పట్టసీ చాయుధీ మహాన్
స్సువహస్త స్సురూపశ్చ తేజస్తేజస్కరో నిధిః - 13

ఉష్ణీషీచ సువక్త్రశ్చ ఉదగ్రో వినతస్తథా
దీర్ఘశ్చ హరికేశశ్చ సుతీర్థః కృష్ణ ఏవచ - 14

సృగాలరూపస్సిద్ధార్థో మృడస్సర్వశుభంకరః
అజశ్చ బహురూపశ్చ గంగాధారీ కపర్ద్యపి - 15

ఊర్ధ్వరేతా ఉర్ధ్వలింగ ఊర్ధ్వశాయీ నభస్థలః
త్రిజటశ్చీరవాసాశ్చ రుద్రస్సేనాపతిర్విభుః - 16

నక్తంచరో హశ్చరశ్చ తిగ్మమన్యుస్సువర్చసః
గజహా దైత్యహా కాలో లోకధాతాగుణాకరః - 17

సింహశార్ధూలరూపశ్చ వ్యాఘ్రచర్మాంబరావృతః
కాలయోగీ మహానాథ స్సర్వకామశ్చతుష్పథః - 18

నిశాచరః ప్రేతచారీ భూతచారీ మహేశ్వరః
బహుభూతో బహుధరః స్వర్భానురమితో గతిః - 19

నృత్యప్రియో నిత్యనర్తో నర్తక స్సర్వలాలసః
మహాఘోరతపాశ్శూరో నిత్యో నీహో నిరాలయః - 20

సహస్రహస్తో విజయో వ్యవసాయో హ్యతంద్రితః
అమర్షణో మర్షణాత్మా యజ్ఞహా కామనాశకః - 21

దక్షయాగాపహారీచ సుసహో మధ్యమస్తథా
తేజో పహారీ బలహా ముదితో ర్థో జితో వరః - 22

గంభీరఘోషో గంభీరో గంభీరబలవాహనః
న్యగ్రోధరూపో న్యగ్రోధో వృక్షకర్ణస్థితి ర్విభుః - 23

సుతీక్ష్ణదశనశ్చైవ మహాకాయో మహాననః
విశ్వక్సేనో హరిర్యజ్ఞ స్సంయుగాపీడవాహనః - 24

తీక్ష్ణతాపశ్చ హర్యశ్వః సహాయః కర్మకాలవిత్
విష్ణుప్రసాదితో యజ్ఞ స్సముద్రో బడబాముఖః - 25

హుతాశన సహాయశ్చ ప్రశాంతాత్మా హుతాశనః
ఉగ్రతేజా మహాతేజా జన్యో విజయకాలవిత్ - 26

జ్యోతిషామయనం సిద్ధిః సర్వవిగ్రహ ఏవచ
శిఖీ ముండీ జటీ జ్వాలీ మూర్తిజో మూర్ధగో బలీ - 27

వైష్ణవః ప్రజవీ తాళీ ఖేలీకాల త్రికంటకః
నక్షత్రవిగ్రహమతిర్గుణబుద్ధిర్లయోగమః  - 28

ప్రజాపతిర్విశ్వబాహు ర్విభాగ స్సర్వతోముఖః
విమోచన స్సుసరణో హిరణ్యకవచోర్భవః - 29

మేఘజో బలచారీ చ మహీచారీ స్తుతస్తథా
సర్వతూర్యవినోదీచ సర్వవాద్యపరిగ్రహః - 30

వ్యాళరూపో గుహావాసీ గ్రహమాలీ తరంగవిత్
త్రిదశః కాలదృక్సర్వకర్మబంధవిమోచనః - 31

బంధనస్త్వసురేంద్రాణాం యుధిశత్రువినాశనః
సాంఖ్యప్రసాదో దుర్వాసా స్సర్వసాధునిషేవితః - 32

ప్రస్కందనొ విభాగజ్ఞోహ్యతుల్యో యజ్ఞభాగవిత్
సర్వవాస స్సర్వచారీ దుర్వాసావాసవో మరః - 33

హైమో హేమకరో యజ్ఞ స్సర్వధారీ ధరోత్తమః
లోహితాక్షో మహాక్షశ్చ విజయాక్షో విశారదః - 34

సంగ్రహో నిగ్రహః కర్తా సర్వచీరనివాసనః
ముఖ్యోముఖ్యశ్చ దేహశ్చ కాహళి స్సర్వకామదః -35

సర్వకాలప్రసాదశ్చ సుబలో బలరూపభ్రుత్
సర్వకామప్రదశ్చైవ సర్వద స్సర్వతోముఖః - 36

ఆకాశనిర్విరూపశ్చ నిపాతోహ్యవశః ఖగః
రౌద్రరూపోంశురాదిత్యో బహురశ్మిస్సువర్చసీ - 37

వసువేగో మహావేగో మనోవేగో నిశాచరః
సర్వవాసీ శ్రియావాసీ ఉపదేశకరో కరః  - 38

మునిరాత్మా నిరాలోక స్సంభగ్నశ్చ సహస్రదః
ప్లక్షీచ ప్లక్షరూపశ్చ అతిదీప్తో విశాంపతిః  - 39

ఉన్మాదో మదనః కామోహ్యశ్వత్థోర్థకరోయశః
వాహదేవశ్చ వామశ్చ ప్రాగ్దక్షిణ ఉదజ్ఞుఖః - 40

సిద్ధయోగీ మహర్షిశ్చ సిద్ధార్ధ స్సిద్ధ సాధకః
భిక్షుశ్చ భిక్షురూపశ్చ విపణో మృదురవ్యయః -  41

మహాసేనో విశాఖశ్చ షష్టిభాగో గవాంపతిః
వజ్రహస్తశ్చ విస్రంభో చమూస్తంభన ఏవచ - 42

వృత్తావృత్తకరస్తాలో మధుర్మధుకలోచనః
వాచస్పత్యో వాజసనో నిత్యమాశ్రితపూజితః - 43

బ్రహ్మచారీ లోకచారీ సర్వచారీ విచారవిత్
ఈశాన ఈశ్వరః కాలో నిశాచరీ పినాకభ్రుత్  - 44

నిమిత్తస్థో నిమిత్తంచ నందిర్నాందీకరో హరిః
నందీశ్వరశ్చ నందీచ నందనో నందివర్ధనః  - 45

భగహారీ నిహంతా చ కాలో బ్రహ్మా పితామహః
చరుత్ముఖో మహాలింగ శ్చారులింగ స్తథైవ చ  - 46

లింగాధ్యక్ష స్సురాధ్యక్షో యోగాధ్యక్షో యుగావహః
బీజాధ్యక్షో బీజకర్తా అధ్యాత్మానుగతో బలః -  47

ఇతిహాస స్సకల్పశ్చ గౌతమో థ నిశాకరః
దంభోహ్యందభో వైదంభో వశ్యో వశకరః కలిః  - 48

లోకకర్తా పశుపతిర్మహాకర్తా హ్యనౌషధః
అక్షరం పరమం బ్రహ్మబలవాన్ శక్త ఏవచ  - 49

నీతిర్హ్యనీతి శ్శుద్ధాత్మా శుద్ధో మాన్యో గతాగతః
బహుప్రసాద స్సుస్వప్నో దర్పణో థ త్వమిత్రజిత్  - 50

వేదకారో మంత్రకారో విద్వాన్సమరమర్దనః
మహామేఘ నివాసీచ మహాఘోరో వశీకరః  - 51

అగ్నిజ్వాలో మహాజ్వాలో హ్యతిధూమ్రో హుతో హవిః
వృషభ శ్శంకరో నిత్యం వర్చస్వీ ధూమకేతనః  - 52

నీలస్తథాంగలుబ్ధశ్చ శోభనో నిరవగ్రహః
స్వస్తిదః స్వస్తిభావశ్చ భాగీ భాగకరో లఘుః  - 53

ఉత్సంగశ్చ మహాంగశ్చ మహాగర్భపరాయణః
కృష్ణవర్ణ స్సువర్ణశ్చ ఇంద్రియం సర్వదేహినామ్  - 54

మహాపాదో మహాహస్తో మహాకాయో మహాయశాః
మహామూర్ధా మహామాత్రో మహానేత్రో నిశాలయః  - 55

మహాంతకో మహా కర్ణో మహోష్ఠశ్చ మహాహనుః
మహానాసో మహాకంబుర్మహాగ్రీవః శ్మశానభాక్  - 56

మహావక్షా మహోరస్కో హ్యంతరాత్మా మృగాలయః
లంబనో లంబితోష్ఠశ్చ మహామాయః పయోనిధిః -  57

మహాదంతో మహాదంష్ట్రో మహాజిహ్వో మహాముఖః
మహానఖో మహారోమా మహాకేశో మహాజటః  -  58

ప్రసన్నశ్చ ప్రసాదశ్చ ప్రత్యయో గిరిసాధనః
స్నేహనో స్నేహనశ్చైవ అజిరశ్చ మహామునిః -  59

వృక్షాకారో వృక్షకేతు రనలో వాయువాహనః
గండలో మేరుధామాచ దేవాధిపతిరేవచ  - 60

అధర్వ శీర్ష స్సామాస్య ఋక్సహస్రామితేక్షణః
యజుః పాదభుజో గుహ్యః ప్రకాశోజంగమస్తథా -  61

అమోఘార్థః ప్రసాదశ్చ అభిగమ్య స్సుదర్శనః
ఉపకారప్రియ స్సర్వః కనకః కాంచనచ్ఛవిః -  62

నాభిర్నంది కరోభావః పుష్కరః స్థపతిః స్థిరః
ద్వాదశస్త్రాసన శ్చాద్యోయజ్ఞో యజ్ఞసమాహితః -  63

నక్తం కలిశ్చ కాలశ్చ మకరః కాలపూజితః
సగణోగణకారశ్చ భూతవాహనసఅరథిః - 64

భస్మాశయో భస్మగోప్తా భస్మభూతస్తరుర్గుణః
లోకపాలస్తథా లోకోమహాత్మా సర్వపూజితః -  65

శుక్ల స్త్రిశుక్లసంపన్న శ్శుచిర్భూత నిషేవితః
ఆశ్రమస్థః క్రియావస్థో విశ్వకర్మమతిర్వరః -  66

విశాల శాఖస్తమ్రోష్ఠోహ్యాంబుజాల స్సునిశ్చలః
కపిలః కపిశ శ్శుక్ల ఆయుశ్చైవ పరో పరః  - 67

గంధర్వో హ్యదితి స్తార్ క్ష్య స్సువిజ్ఞేయ స్సుశారదః
పరశ్వధాయుధో దేవో హ్యనుకారీ సుబాంధవః  - 68

తుంబవీణోమహాక్రోధ ఊర్ధ్వరేతా జలేశయః
ఉగ్రో వంశకరో వంశో వంశనాదోహ్య నిందితః - 69

సర్వాంగ రూపో మాయావీ సుహృదోహ్యనిలో నలః
బంధనో బంధ కర్తాచ సుబంధన విమోచనః -  70

సయాజ్ఞారిస్స కామారి ర్మహా దంష్ట్రో మహాయుధః
బహుధా నిందితస్సర్వ శంకర శ్చంద్రశేఖరః -  71

అమరేశో మహాదేవో విశ్వదేవ స్సురారిహా
అహిర్భుధ్న్యో నిలాభశ్చ చేకితానో హరిస్తథా -  72

అజైకపాశ్చ కాపాలీ త్రిశంకురజిత శ్శివః
ధన్వంతరి ర్ధూమకేతు స్స్కందో వైశ్రవణ స్తథా -  73

ధాతా శక్రశ్చ విష్ణుశ్చ మిత్ర స్త్వష్టా ధ్రువోధరః
ప్రభావస్సర్వగో వాయు రర్యమా సవితా రవిః  - 74

ఉషంగుశ్చ విధాతాచ మాంధాతా భూతభావనః
విభుర్వర్ణ విభావీచ సర్వకామ గుణావహః  - 75

పద్మనాభో మహార్భశ్చంద్ర వక్త్రో నిలో నలః
భలవాంశ్చోపశాంతశ్చ పురాణః పుణ్యచంచురీ  - 76

కురుకర్తా కురువాసీ కురుభూతో గుణౌషధః
సర్వాశయో గర్భాచారీ సర్వేషాం ప్రాణినాం పతిః -  77

దేవదేవస్సుఖాసక్త స్సదసత్సర్వ రత్నవిత్
కైలాసగిరి వాసీ చ హిమవద్గిరి సంశ్రయః -  78

కూలహారీ కూలకర్తా బహువిద్యో బహుప్రదః
వణిజో వర్ధకీ వృక్షో వకుళ శ్శందనచ్ఛదః -  79

సారగ్రీవోమహాశత్రు రలోలశ్చ మహౌషధః
సిద్ధార్థకారీ సిద్ధార్థశ్ఛందోవ్యాకరణోత్తరః -  80

సింహనాద స్సింహదంష్ట్ర స్సింహగ స్సింహవాహనః
ప్రభావాత్మా జగత్కాలః కాలో లోకహితస్తరుః -  81

సారంగో నవచక్రాంగః కేతుమాలీ సభావనః
భూతాలయో భూతపతి రహోరాత్ర మనిందితః -  82

వర్ధిత స్సర్వభూతానాం నిలయశ్చ విభూర్భవః
అమోఘస్సంయతో హ్యశ్వోభోజనః ప్రాణధారణః -  83

ధ్రుతిమాన్ మతిమాన్ దక్షః సత్కృతశ్చ యుగాధిపః
గోపాలీ గోపతిర్గ్రామో గోచర్మవసనోహరిః  - 84

హిరణ్య బాహుశ్చ తథా గుహాపాలః ప్రవేశకః
ప్రకృష్టారిర్మహాహర్షో జితకామో జితేంద్రియః  - 85

గాంధారశ్చ సువాసశ్చ తపస్సక్తో రతిర్నరః
మహాగీతో మహానృత్యో హ్యప్సరోగణ సేవితః -  86

మహాకేతుర్మహాధాతుర్నైక సానుచరశ్చలః
ఆవేదనీయ ఆవేశః సర్వగంధ సుఖావహః  - 87

తోరణ స్తారణో వాతః పరిధీపతి ఖేచరః
సంయోగో వర్ధనో వృద్ధో హ్యతివృద్ధో గుణాధికః -  88

నిత్య ఆత్మా సహాయశ్చ దేవాసురపతిః పతిః
యుక్తశ్చ యుక్త బాహుశ్చ దేవోదివి సుపర్వణః  - 89

ఆషాఢశ్చ సుషాఢశ్చ ధ్రువో థ హరిణోహరః
వపు రావర్త మానేభ్యో వసుశ్రేష్ఠో మహాపథః -  90

శిరోహారీ విమర్శశ్చ సర్వలక్షణ లక్షితః
అక్షశ్చ రథయోగీచ సర్వయోగీ మహాబలః  - 91

సమామ్నాయో సమామ్నాయః సీరదేవో మహారథః
నిర్జీవో జీవనో మంత్రశ్శుభాక్షో బహుకర్కశః -  92

రత్నప్రభూతో రక్తాంగో మహార్ణవనిపానవిత్
మూలం విశాలో హ్యమృతో వ్యక్తావ్యక్తస్తపోనిధిః  - 93

ఆరోహణో ధిరోహశ్చ శీలధారీ మహాయశాః
సేనాకల్పో మహాకల్పో యోగో యోగకరో హరిః  - 94

యుగ రూపో మహారూపో మహానాగహనో వథః
న్యాయ నిర్వహణః పాదః పండితోహ్యచలోపమః  - 95

బహుమాలో మహామాల శ్శశీహరిసులోచనః
విస్తారోలవణః కూపస్త్రియుగ స్సఫలోదయః  - 96

త్రినేత్రశ్చోవిషణ్ణాంగో మణివిద్ధో జటాధరః
విందుర్విసర్గ స్సుముఖః శరస్సర్వాయుధస్సహః - 97

నివేదన స్సుఖాజాతః సుగంధారో మహాధనుః
గంధపాలీ చ భగవానుత్థాన స్సర్వకర్మణామ్ -  98

మంథానో బహుళో వాయుః సకలస్సర్వలోచనః
తలస్తాలః కరస్థాలీ ఊర్ధ్వ సంహననో మహాన్ -  99

ఛత్రం సుచ్ఛత్రో విఖ్యాతో లోకస్సర్వాశ్రయక్రమః
ముండో విరూపో వికృతో దండీ కుండీ వికుర్వణః - 100

హర్యక్షః కకుభోవజ్రీ శతజిహ్వ స్సహస్రపాత్
సహస్రమూర్ధా దేవేంద్ర స్సర్వ దేవమయో గురుః -  101

సహస్రబాహు స్సర్వాంగః శరణ్యస్సర్వలోకకృత్
పవిత్రం త్రికకున్మంత్రః కనిష్ఠః కృష్ణపింగళః -  102

బ్రహ్మదండ వినిర్మాతా శతఘ్నీపాశశక్తిమాన్
పద్మగర్భో మహాగర్భో బ్రహ్మ గర్భో జలోద్భవః  - 103

గభస్తిర్బ్రహ్మకృద్బ్రహ్మ బ్రహ్మవిద్బ్రాహ్మణో గతిః
అనంతరూపశ్చైకాత్మా తిగ్మతేజా స్స్వయంభువః -  104

ఊర్ధ్వ గాత్మాపశుపతిర్వాతరంహఅ మనోజవః
చందనీ పద్మనాళాగ్రస్సురభ్యుత్తరణో నరః - 105

కర్ణికార మహాస్రగ్వీ నీలమౌళిః పినాకభ్రుత్
ఉమాపతి రుమాకాంతో జాహ్నవీభ్రుదుమాధవః - 106

వరో వరాహో వరదో వరేణ్య స్సుమహాస్వనః
మహాప్రసాదో దమనః శత్రుహా శ్వేతపింగళః  - 107

ప్రీతాత్మా పరమాత్మాచ ప్రయతాత్మా ప్రధాన ధృత్
సర్వపార్శ్వముఖస్త్ర్యుక్షో ధర్మసాధారణో వరః - 108

చరాచరాత్మా సూక్ష్మాత్మా అమృతో గోవృషేశ్వరః
సాధ్యర్షిర్వసు రాదిత్యో వివస్వాన్ సవితా మృతః  - 109

వ్యాస స్సర్గ స్సుసంక్షేపో విస్తరః పర్యయో నరః
ఋతు స్సంవత్సరో మాసః పక్షస్సంఖ్యా సమాపనః - 110

కళాకాష్ఠాలవామాత్రా ముహూర్తహః క్షపాక్షణాః
విశ్వక్షేత్రం ప్రజాబీజం లింగమాద్య స్సునిర్గమః  - 111

సదసద్వ్యక్తమవ్యక్తం పితామాతా పితామహః
స్వర్గద్వారం ప్రజాద్వారం మోక్షద్వారం త్రివిష్టపమ్  - 112

నిర్వాణం హ్లాదనం చైవ బ్రహ్మలోకః పరాగతిః
దేవాసుర వినిర్మాతా దేవాసుర పరాయణః -  113

దేవాసురగురుర్దేవో దేవాసుర నమస్కృతః
దేవాసుర మహామాత్రో దేవాసురగణాశ్రయః  - 114

దేవాసుర గణాధ్యక్షో దేవాసుర గణాగ్రణీః
దేవాదిదేవో దేవర్షిర్దేవాసుర వరప్రదః  - 115

దేవాసురేశ్వరో విశ్వో దేవాసుర మహేశ్వరః
సర్పదేవమయో చింత్యో దేవతాత్మాత్మ సంభవః -  116

ఉత్పత్తి విక్రమో వైద్యో విరజో నీరజో మరః
ఈడ్యో హస్తీశ్వరో వ్యాఘ్రో దేవసింహో నరర్షభః -  117

విబుధో గవర స్సూక్ష్మ స్సర్వ దేవస్తపోమయః
సుయుక్త శ్శోభనో వజ్రీ పాపానాం ప్రభవో వ్యయః  - 118

గుహః కాంతో నిజస్సర్గః పవిత్రం సర్వపావనః
శృంగీ శృంగప్రియో బభ్రూ రాజరాజో నిరామయః - 119

అభిరామస్సురగణో విరామస్సర్వ సాధనః
లలాటాక్షో విశ్వదేవోహరిణోబ్రహ్మవర్చసః  - 120

స్థావరాణాం పతిశ్చైవ నియమేంద్రియవర్ధనః
సిద్ధార్థ సిద్ధభూతార్థో చింత్య స్సత్యవ్రత శ్శుచిః  - 121

వ్రతాధిపః పరంబ్రహ్మ భక్తానుగ్రహ కారకః
విముక్తో ముక్త తేజాశ్చ శ్రీమాన్ శ్రీవర్ధనో జగత్  - 122

~~~ ఫలశ్రుతి ~~~

యథా ప్రధానం భగవాన్ ఇతి భక్త్యాస్తుతో మయా
యం న బ్రహ్మాదయో దేవా విదుస్తత్త్వేన నర్షయః - 1

స్తోతవ్య మర్చ్యం వంద్యంచ కస్తోష్యతి జగత్పతిమ్
భక్త్యా త్వేవం పురస్కృత్య మయా యజ్ఞపతిర్విభుః - 2

తతో భ్యనుజ్ఞాం సంప్రాప్య స్తుతో మతిమతాం వరః
శివమేభిః స్తువన్ దేవం నామభిః పుష్టివర్ధనైః - 3

నిత్యయుక్త శ్శుచి ర్భూతః ప్రాప్నోత్యాత్మానమాత్మనా
ఏతద్ధి పరమం బ్రహ్మ పరం బ్రహ్మాధిగచ్ఛతి - 4

ఋషయశ్చైవ దేవాశ్చ స్తువంత్యేతేన తత్పరాః
స్తుయమానో మహాదేవః స్తూయతే నియతాత్మభిః - 5

భక్తానుకంపీ భగవాన్ ఆత్మసంస్థాకతో విభుః
తథైవ చ మనుష్యేషు యే మనుష్యాః ప్రధానతః - 6

ఆస్తికాః శ్రద్దధానాశ్చ బహుభిర్జన్మభిః స్తవైః
భక్త్యాహ్యనన్యమ్ ఈశానం పరం దేవం సనాతనమ్ - 7

కర్మణా మనసా వాచా భావేనామితతేజసః
శయనా జాగ్రమాణాశ్చ వ్రజన్నుపవిశంస్తథా - 8

ఉన్మిషన్ నిమిషశ్చైవ చింతయంతః పునః పునః
శృణ్వంతశ్శ్రావయంతశ్చ కథయంతశ్చ తే భవమ్ - 9

స్తువంతస్తూయమానాశ్చ తుష్యంతిచ రమింతచ
జన్మకోటిసహస్రేషు నానాసంసారయోనిషు - 10

జంతోర్విగతపాపస్య భవే భక్తిః ప్రజాయతే
ఉత్పన్నచ భవే భక్తిః అనన్యా సర్వభావతః - 11

భావినః కారణాంచాస్య సర్వముక్తస్య సర్వదా
ఏతద్దేవేషు దుష్ప్రాపం మనుష్యేషు న లక్ష్యతే - 12

నిర్విఘ్నా నిర్మలా రుద్రే భక్తి రవ్యభిచారిణీ
తస్యైవచ ప్రసాదేన భక్తి రుత్పద్యతే నృణామ్ - 13

యేన యాంతి పరాం సిద్ధిం తద్భావగతచేతసః
యే సర్వభావానుగతాః ప్రపద్యంతే మహేశ్వరమ్ - 14

ప్రపన్నవత్సలో దేవః సంసారార్తాన్ సముద్ధరేత్
ఏవమన్యే న కుర్వంతి దేవాః స్సంసార మోచనమ్ - 15

మనుష్యాణామ్ ఋతే దేవం నాన్యా శక్తి స్తపోబలమ్
ఇతి దేవేంద్ర కల్పేన భగవాన్ సదసత్పతిః - 16

కృత్తివాసాస్తుతః కృష్ణ తండినా శుభబుద్ధినా
స్తవ మేతం భగవతో బ్రహ్మా స్వయమధారయత్ - 17

గీయతే చ న బుధ్యేత బ్రహ్మశంకరసన్నిధౌ
ఇదం పుణ్యం పవిత్రంచ సర్వదా పాపనాశనమ్ - 18

యోగదం మోక్షదం చైవ స్వర్గదం తోషదం తథా
ఏవమేతత్పఠంతే య ఏవ భక్త్యాతు శంకరే - 19

యా గతిస్సాంఖ్యయోగానాం వ్రజంతే తాం గతిం తథా
స్తవమేనం ప్రయత్నేన సదా రుద్రస్య సన్నిధౌ - 20

అబ్దమేకం చరేద్భక్తః ప్రాప్నుయాదీప్సితం ఫలమ్
ఏతద్రహస్యం పరమం బ్రహ్మణో హృది సంస్థితమ్ - 21

బ్రహ్మా ప్రోవాచ శక్రాయ శక్రః ప్రోవాచ మృత్యవే
మృత్యుః ప్రోవాచ రుద్రేభ్యో రుద్రేభ్య స్తండిమాగమత్ - 22

మహతా తపసా ప్రాప్తం తండినా బ్రహ్మసద్మని
తండిః ప్రోవాచ శుక్రాయ గౌతమాయచ భార్గవః - 23

వైవస్వతాయ మనవే గౌతమః ప్రాహ మాధవ
నారాయణాయ సాధ్యాయ మనురిష్టాయ ధీమతే - 24

యమాయ ప్రాహ భగవాన్ సాధ్యో నారాయణో చ్యుతః
నాచికేతాయ భగవానాహ వైవస్తవో యమః - 25

మార్కండేయాయ వార్ ష్ణేయ నాచికేతో భ్యభాషత
మార్కండేయాన్మయా ప్రాప్తో నియమేన జనార్దన - 26

తవాష్యహ మమిత్రఘ్నస్తవం దద్యాం హ్యవిశ్రుతమ్
స్వర్గ్యమరోగ్యమాయుష్యం ధన్యం వేదేన సంమితమ్ - 27

నా స్యవిఘ్నం వికుర్వంతి దానవా యక్షరాక్షసాః
పిశాచా యాతుధానా వా గుహ్యకా భుజపా అపి - 28

యః పఠేత శుచిః ప్రాతః బ్రహ్మచారీ జితేంద్రియః
అభగ్నయోగో వర్షంతు సో శ్వమేధఫలం లభేత్ - 29

ఇతి శ్రీ శివసహస్రనామ స్తోత్రమ్ సంపూర్ణమ్..