చరణములే నమ్మితి....

రచన: భక్త రామదాసు
రాగం: కాపీ
తాళం: ఆది.

పల్లవి:
చరణములే నమ్మితి నీ
దివ్యచరణములే నమ్మితి ॥ చరణములే ॥

చరణాలు:
వారధిగట్టిన వరభద్రాచల
వరదా వరదా వరదా నీదివ్య ॥ 1 ॥

ఆదిశేష నన్నరమర చేయకు
మయ్యా అయ్యా అయ్యా నీదివ్య ॥ 2 ॥

వనమున రాతిని వనితగ చేసిన
చరణం చరణం చరణం నీదివ్య ॥ 3 ॥

పాదారవిందమే యాధారమని
నేను పట్టితి పట్టితి పట్టితి నీదివ్య ॥ 4 ॥

వెయ్యారు విధముల కుయ్యాలించిన
అయ్యా అయ్యా అయ్యా నీదివ్య ॥ 5 ॥

బాగుగ నన్నేలు భద్రాచల రామదాసుడ
దాసుడ దాసుడ నీ దివ్య ॥ 6 ॥